27 июля 2016 г.
Вăрнарсен ырă опычĕпе паллашнă
Елчĕк район делегацийĕ Вăрнарта иртнĕ «Агропромышленность комплексне хальхи вăхăтра ертсе пырасси» темăпа иртнĕ семинар-канашлăва хутшăннă, «Вăрнарти аш-какай комбиначĕ» агрохолдингра, Вăрнарти хутăш препаратсен заводĕнче пулса курнă.
Мероприятие Чăваш Республикин Патшалăх Канашĕн Председателĕ Юрий Попов, Чăваш Республикин Патшалăх Канашĕн Председателĕн çумĕ-экономика политикин тата агропромышленность комплексĕн тата экологи комитечĕн ертÿçи Олег Мешков, социаллă политика тата наци ыйтăвĕсен комитечĕн председателĕ Петр Краснов, Чăваш Республикинчи агропромышленность комплексĕн ветеранĕсен канашĕн ертÿçисем Василий Шадриковпа Петр Ивантаев, Канаш, Комсомольски, Елчĕк районĕсенчи ял хуçалăх ертÿçисемпе ял тăрăхĕсен пуçлăхĕсем тĕлпулура ял хуçалăхĕнчи çĕнĕлĕхсем, патшалăх паракан пулăшусем çинчен чарăнса тăнă. Юрий Алексеевич агропромышленность комплексĕн ветеранĕсен ĕçне пысăка хурса хакланă.
«Трактор» операци - уйăхлăх пуçланать
Кăçалхи августăн 1-31-мĕшĕсенче Чăваш Республикинчи Гостехнадзор инспекцийĕпе Шалти ĕçсен министерстви «Трактор» операци-уйăхлăх ирттереççĕ.
Операци тĕллевĕ - техникахатĕрĕсемпе усă курнă чух çынсенпурнăçĕпе пурлăх хăрушсăрлăхĕшĕнтăрăшасси, тавралăха упрасси, регистраци иртмен техникăпа усă курассинечарса лартасси тата техосмотр пĕлтерĕшне ÿстересси.
Гостехнадзорпа ГИБДД сотрудникĕсем чăн малтан усă куракан машинăсенюсавлăхне, вĕсем техника тĕрĕслевĕвитĕр тухнине, хуçисене техникăпаçÿреме ирĕк панине, регистраци татаэксплуатаци докуменчĕсем пурринетĕрĕслеççĕ. Хăй тĕллĕн çÿрекен машинăсенетĕрĕсленипе пĕрлех, прицепсен юсавлăхĕ те тĕп тимлĕхре пулĕ. Тĕрĕслевкăтартса панă тăрăх, хăшпĕр транспорт хатĕрĕсене çутă сигнализацийĕпе тата сыхланмалли сăнчăрсемпетивĕçтермен.
Рейд бригадисем районти кашниялтах пулаççĕ, тĕрĕслеврен пĕр техника хатĕрĕ те «пытанса» юлаймĕ.
А.СОЛОВЬЕВ,
Гостехнадзорăн районти инспекцийĕн начальникĕ.
Ĕç стажĕ – 50 çул
Анатолий Молоствов врач çак кунсенче 75 çулхи юбилейне кĕтсе илчĕ.
Ăна район администрацийĕн пуçлăхĕ Николай Миллин, ĕçтешĕсем, пациентсем саламланă. Сумлă юбилейре хисеплĕ тухтăра Чăваш Республикин Патшалăх Канашĕн Хисеп хутне парса чыс тунă.
Анатолий Ефимович ĕç кĕнекине уçни Питравра 50 çул иртнĕ. Хăй пĕлтернĕ тăрăх, вăл 5 çулта чухнех хире çум çумлама кайнă. Апла пулсан, ĕç кĕнекине çырăнман çулсем унăн тата та нумай.
Районти паллă тухтăр пуриншĕн те ырă тĕслĕх вырăнĕнче. Сывă пурнăç йĕркишĕн çирĕп тăракан аслă юлташăмăр паян та вашават та вăр-вар, хастар, чирлисене йышăнать.
Молоствовсем икĕ ача çитĕнтернĕ. Иккĕшĕ те пурнăçра хăйсен вырăнне тупнă. Татьяна - аслă категориллĕ акушер-гинеколог. Сергей - юрист. Асатте-кукаçи виçĕ мăнукĕпе киленсе пурăнать.
- Ĕç çынна телей кÿрет. Мĕн пĕчĕкрен атте-анне ĕçлеме хăнăхтарнă. Çав ырă йăлана тытса пыратăп. Пурнăçа юрататăп. Сывлăхлă пулас тесен кашнийĕн хăйĕн тапаçланмалла, сывă пурнăç йĕркине тытса пымалла, тăтăшах хусканусем тумалла. Вара ватлăх çитнине те сиссе юлаймастăн, - тет район хаçачĕн çывăх тусĕ Анатолий Молоствов тухтăр.