27 июля 2016 г.
Александр Филиппов предприниматель ертсе пыракан Елчĕкри çăкăр завочĕ хальхи вăхăтра куллен 60 ытла тĕрлĕ, 1 тонна продукци туса кăларать.
Ассортимент тăтăш пуянлансах пырать, вĕсен пахалăхĕ те пысăк. Хальхи вăхăтра кунта пĕçерекен çăкăр-булкăна 100 ытла лавккана валеçеççĕ. Çынсем ытларах ыраш-тулă çăкăрĕпе кукăльсене тата ытти кондитер изделийĕсене хапăлласа туяннине пĕлетпĕр.
Кунта 9 тĕрлĕ напиток туса кăлараççĕ. Çавна май ăна ушкăнпа туянас кăмăллă çынсем кÿршĕллĕ районсенчен те, Тутарстанран та килсе çитеççĕ.
Тутлă ĕçме-çиме хатĕрлеме специалистсен пысăк ăсталăхпа пĕрле çак ĕçе хăйсен чун-чĕри ăшшине те хываççĕ. 30 яхăн çынна пĕрлештерсе тăракан коллективра тăнăçлăх хуçаланать, вĕсенчен кашнийĕ хăйне шанса панă тивĕçе туллин пурнăçлама пĕлнипе палăрса тăрать.