20 июля 2016 г.
Районти сакăр хуçалăхра пĕрчĕллĕ тата пăрçа йышши культурăсене пуçтарса кĕртме пуçăннă. «Прогресс» АХО, «Победа», «Яманчурино», «Клевер», «Энтепе» ОООсен, «Рассвет», «Комбайн», «Колос» ялхуçалăх производство кооперативĕсен уй-хирĕсенче хĕрÿ ĕç пырать. Ĕççинче ытларах пысăк тухăçлă жаткăсене усă кураççĕ.
«Нива» а/ф» ОООра кăçал 887 гектар çинчен пĕрчĕллĕ тата пăрçа йышши культурăсене пухса кĕртмелле. А.Светопольский комбайнер агрегачĕ хальхи вăхăтра кĕрхи тулă çапса тĕшĕлет. Вăл хуçалăхра 120 гектар йышăнать. Хальлĕхе ăна 20 гектар çинчен çапса тĕшĕленĕ. Кăçал кĕр тыррисем аван тухăç парас шанчăк пысăк хуçалăхра.
Сăнÿкерчĕкре: Çĕнĕ тырă йĕтеме каять.