16 июля 2016 г.
Яманчÿрелĕнчи библиотекăра тăван ял, унăн çыннисем çинчен ÿкернĕ кинолентăсем упранаççĕ.
Ираида Ермакова библиотекарь ялти ватăсене кино курма чĕннĕ. Ĕç ветеранĕсем фильм курнă май çамрăклăх ытамне кĕрсе ÿкнĕ, мĕншĕн тесен кинолентăра хăйсем фермăра, уй-хирте, йĕтем çинче ĕçленисене ÿкернĕ-çке. Документлă фильм пурне те килĕшнĕ. Тепрехинче Ираида Петровна ял çыннисене легендарлă хуçалăх ертÿçĕ - Иван Яковлевич Денисов çинчен ÿкернĕ картинăпа паллаштарĕ.