Публикации » Республикăри конкурсра çĕнтернĕ

13 июля 2016 г.

Иртнĕ ĕмĕрĕн 60-мĕш çулĕсенчен тытăнсах кашни çул  иртекен сухаçăсен республикăри конкурсĕ паянхи куншăн та пысăк пĕлтерĕшлĕ. Чăваш Республикинчи Ĕç çыннин çулталăкĕнче пушшех.

Çĕршыва çăкăрпа тивĕçтерекен çĕр ĕçченне палăртса хавхалантаракан уява - конкурса республикăри 18 муниципалитет районĕнчен 23 механизатор хутшăннă. Елчĕк районĕн чысне «Сатурн» ялхуçалăх производство кооперативĕнчи Владимир Кукурузов хÿтĕленĕ. Тăван хуçалăхра нумай çул механизаторта тăрăшакан тата пысăк кăтартусемпе тимлекен Владимир Владимирович конкурсра хăйĕн ĕçне чунтан юратса пурнăçланине те тивĕçлипе кăтартса панă. Комисси членĕсем вăл «Агромашхолдинг» ООО туса кăларнă АГРОМАШ-85ТК  тракторпа усă курса суха ĕçне пысăк пахалăхпа пурнăçланине йышăннă. Çапла майпа Владимир Кукурузов «Профессири ăсталăх» номинацире виççĕмĕш вырăн йышăнма пултарнине палăртнă.

С.АРХИПОВА.