09 июля 2016 г.
Акционерсен «Прогресс» хупă обществинче выльăх апачĕ хатĕрлес ĕçе кал-кал тата тухăçлă йĕркелесе пыраççĕ.
Патреккел бригадинче сенаж хатĕрленĕ çĕрте пулса куртăмăр. Хальхи вăхăтра кунта пурĕ 1800 гектар йышăнакан пĕр çул ÿсекен курăксенчен сенаж хываççĕ. Унăн 977 гектарне çулнă. Çак ĕçе пурнăçлама В.Воронцов тата А.Иванов механизаторсене шанса панă. А.Можаев, В.Охотин, Д.Кучков, Ю.Гаврилов çулнă курăка вĕтетнĕ, А.Колсанов, Н.Мартемьянов, Г.Выйгетов, А.Егоров, В.Соловьев, С.Муллин, А.Смирнов, А.Немцев, В.Борисов ăна турттарнă çĕрте вăй хураççĕ.
Ферма çывăхĕнчи траншейăна вырнаçтаракан сенажа Ю.Черновăпа Е.Исаева тăвар сапаççĕ. А.Антонов, А.Николаев тата В.Чувайкин механизаторсем ятарлă техникăпа сенажа пусăрăнтараççĕ.
Ялхуçалăх предприятийĕнче кăçал пурĕ 7018 тонна сенаж хатĕрлесе хăварма палăртнă. Хальлĕхе ăна траншейăсене 4200 тонна хывнă.
Т.ИШМУРАТОВА.
Автор сăнÿкерчĕкĕнче: «Прогресс» АХО уй-хир ĕçченĕсем сенаж хатĕрлеççĕ.