Публикации » Çутçанталăка юратма вĕренĕç

06 июля 2016 г.

Хăвăлçырма ялĕ çумĕнчех пысăк пĕве сарăлса выртать. Çулсерен çав пĕве хĕррипе «АСК-Ялчики» ООО ĕçченĕсем йывăç лартса хăвараççĕ. Никам та пырса шăварманран вĕсем типсе тата хăрса каяççĕ. Выльăх-чĕрлĕх сиен кÿресрен вара йĕри-тавра карта тытнă. Лартнă йывăçсене шăварма шкул çумĕнчи лагере çÿрекен ачасене илсе кайсан питĕ аван пулĕччĕ - йывăçсем те сыхланса юлĕччĕç. Вĕсем çутçанталăка юратма тата ăна упрама вĕренĕç. Çакăнтах çуллахи шăрăх çанталăкра ватти те, вĕтти те пулă тытать. Ял йĕри-тавра, çырма-çатрасенче шкул ачисем, ял-йыш миçе йывăç лартман-ши! Унта ĕçлекенсене паянхи кун та аса илсе савăнаççĕ. Кунта кăмпи питĕ ăнса пулнăран вара çамрăксемпе ватăсем кăмпана çÿреме кăмăллаççĕ.

И. ВОЛКОВА,
Хăвăлçырма.