02 июля 2016 г.
Июнĕн 28-мĕшĕнче пирĕн районта ЧР культура, национальноçсен ĕçĕсен тата архив ĕçĕн министрĕн тивĕçĕсене пурнăçлакан Константин Яковлев пулнă.
Район администрацийĕн культура тата информаципе тивĕçтерекен пай начальникĕпе Антонина Александровăпа пĕрле вăл малтан Тÿскел ялĕнче çĕнĕрен тума тытăннă нумай функциллĕ культура центрĕн объектĕнче ĕçсем мĕнле пынипе паллашнă. Лаш Таяпари Турă Амăшĕ çуралнин ячĕллĕ чиркĕвĕн настоятелĕпе Силуан иеромонахпа тĕл пулнă, çĕнĕ чиркÿри строительство ĕçĕсем мĕнле пынипе кăсăкланнă, май пулнипе усă курса ялти культура çуртне кĕрсе курнă. Константин Яковлев çавăн пекех район центрĕнчи истори палăкĕсемпе, паллă вырăнсемпе паллашнă.