02 июля 2016 г.
.jpg "35 çул пĕр ĕçре")
Елчĕкри газ участокĕнче слесарь пулса ĕçлекен Валерий Владимирович Тиняков сăнÿкерчĕкне районти Хисеп хăми çине ытахальтен вырнаçтарман.
35 çул улшăнмасăр пĕр вырăнта ĕçлекен, хăйĕн тивĕçне тÿрĕ кăмăлпа тата юратса пурнăçлакан арçын ят-сума, чăннипех, тивĕçлĕ. Çак тапхăрта районти кашни ялта, кашни килте пулса клиентсен ыйтăвĕсене туллин тата çÿлти шайра тивĕçтерме пултаракан Валерий Тиняков пирки ялсенче пурăнакансенчен ырă та ăшă сăмахсем каланине пĕр хутчен анчах мар илтме тÿр килнĕ.
- Ăста специалист, сăпайлă, ырă кăмăллă çын та вăл, - теççĕ пурте ун пирки аса илсе калаçсан.
...Валерий Тиняковăн ăраскалĕ телейлĕ. Чи кирли - тĕрĕс професси суйласа илме пултарни ăна пурнăç тăршшĕпех ăнăçлăх кÿрсе пырать. Ĕçтешĕсем хушшинчи хисеп, клиентсен шанăçне тивĕçлипе тÿрре кăларни, çемьери тăнăçлăхпа килĕшÿ район халăхĕн ырлăхĕшĕн малашне те хавхаланса ĕçлеме хистет.
С.АНАТОЛЬЕВА.