25 июня 2016 г.
Чăваш Республикинчи инвалидсене ĕçе вырнаçма пулăшассине 2011 çулхи ноябрь уйăхĕнчен пуçласа вăя кĕнĕ «Чăваш Республикинче инвалидсен ĕç вырăнĕсене квотăласси çинчен» Саккунĕпе килĕшÿллĕн пурнăçласа пыраççĕ.
Хальхи вăхăтра Елчĕк районĕнчи 100 çын ытла ĕçлекен 3 организацире - «Прогресс» АХОра, «Комбайн» ЯХПКра тата районти тĕп больницăра 12 çынна ĕçпе тивĕçтерме квота çирĕплетнĕ. Çапла майпа кăçалхи июнĕн 1-мĕшĕ тĕлне асăннă организацисенче 11 инвалид çын ĕçленĕ. Районти тĕп больницăра квота пурнăçланмасть.
...Кăçалхи январь-май уйăхĕсенче 5 инвалид çын хăйсене ĕç тупса пама ыйтса халăха ĕçпе тивĕçтерекен центра пынă, 3-шне вĕсен кăмăлне тивĕçтерекен ĕç тупса пама май килнĕ.