25 июня 2016 г.
Кăçалхи июлĕн 7-8-мĕшĕсенче Чăваш Енре çемьесене улăштаракансен IV форумĕ иртет.
Форума Чăваш Республикинче 2012-2017 çулсенче ачасен интересĕсене аталантармалли наци стратегине, Чăваш Ен Пуçлăхĕн «Чăваш Республикинче тăлăх ачасене, ашшĕ-амăшĕн хÿтлĕхĕсĕр юлнă ачасене хÿтĕлемелли тытăма аталантармалли патшалăх политикине пурнăçа кĕртмелли хушма мерăсем çинчен» указне пурнăçлас енĕпе ирттереççĕ. Ăна Чăваш Енĕн Вĕренÿ министерстви, çемьесене улăштаракансен республикăри пĕрлешĕвĕ «Ырлăх арифметики» тата тăлăх ачасен «Шанчăк» ыркăмăллăх фончĕсем пулăшнипе йĕркелеççĕ. Июлĕн 7-мĕшĕнче форум муниципалитетсен шайĕнче, июлĕн 8-мĕшĕнче Шупашкарта иртет.
Форума опекунсем, попечительсем, ачасене усрава илнĕ ашшĕ-амăшĕ, çемьесене улăштарма хатĕрленекенсен, опекăпа попечитель органĕсен специалисчĕсем, тăлăх ачасен центрĕсен, ачасен çурчĕсен, шкул-интернатсен ертÿçисемпе педагогĕсем, общество организацийĕсен представителĕсем хутшăнаççĕ.