18 июня 2016 г.
Раççейри регионсем хушшинчи инвестици илĕртÿлĕхĕн рейтингĕнче Чăваш Ен малтанхи 9-мĕш вырăнтан 6-мĕш вырăна куçнă, ĕçлĕ лару-тăрăвăн индексĕ 5,1 пункт ÿснĕ.
Кăтартусене июнĕн 17-мĕшĕнче Санкт-Петербург хулинче иртнĕ пĕтĕм тĕнчери XX экономика форумĕнче пĕтĕмлетнĕ.
Мускаври управлени шкулĕн ректорĕ Андрей Шаронов палăртнă тăрăх, икĕ çул каялла йĕркеленĕ Наци рейтингĕ регионсенчи влаçсем бизнеса йĕркелес условисене лайăхлатас тĕлĕшпе мĕнле ĕçленине хаклама май панă. Çак тĕрĕслеве ĕçе кĕртес тата пуçлăхсен квалификацине ÿстерес тĕллевпе 2015 çул вĕçленес умĕн рейтинг енĕпе ятарласа вĕренÿ семинарĕсене йĕркеленĕ. Чăваш Ен Пуçлăхĕ М.Игнатьев республикăн Наци рейтингĕнчи пысăк кăтартăвĕсем пĕтĕм команда тухăçлă ĕçленипе пулнине палăртнă.