18 июня 2016 г.
«Единая Россия» партин регионти уйрăмĕ партин суйлав умĕнхи платформине йĕркелес тĕлĕшпе пресс-конференци ирттернĕ.
Партин регионти уйрăмĕ суйлав умĕнхи программăна тума пуçлас пирки каланă. Вăл «Чăваш Ен - хăтлă пурăнакан регион. Аталану малашлăхĕ» ятпа пулĕ. Партин регионти уйрăмĕн ертÿçи Николай Малов каланă тăрăх, «Единая Россия» çынсен наказĕсемпе сĕнĕвĕсене шута илсе кашнинчех хăйĕн программине йĕркеленĕ. Хальхи çăмăл мар экономика лару-тăрăвĕнче парти умĕнче тата яваплăрах тĕллев - бюджетри кашни тенкĕпе перекетлĕ усă курса суйлавçăсен ыйтăвĕсене шута илесси.
«Паянхи кунтан пуçласа эпир халăх сÿтсе явнине, обществăлла дискуссие шута илессине пуçаратпăр. Шăпах вĕсенчен «Единая Россиян» малашлăх программи йĕркеленĕ, - палăртнă Николай Малов. - Эпир тĕлпулун тĕрлĕ форматне усă курăпăр. Экспертсене çавра сĕтел тавра тематика форумне явăçтарнă таранах».
«Единая Россиян» Шупашкар уйрăмĕн секретарĕ, хула пуçлăхĕ Леонид Черкесов иртнĕ суйлавсенче хула Пухăвĕн депутачĕсемшĕн сасăланă чухне панă наказсенчен никĕсе хурăннă Халăх программи тивĕçлипех пурнăçланнине палăртнă.
Николай Малов çавăн пекех «Единая Россия» тĕп задачăсене пурнăçланă чухне темиçе çул ĕнтĕ малашлăха палăртса тата проект мелĕпе усă курнине аса илтернĕ. Тĕслĕхрен, Чăваш Енре ачасене ача сачĕсене вырнаçтарассине те çакăн пекех татса панă. Тепĕр тĕслĕх - республикăри ялсенче тата хуласенче спорт занятийĕсем ирттермелли условисемпе тивĕçтерессине те.
Республика аталанăвĕн паянхи тĕп çул-йĕрĕсем те паллă: çĕнĕ ĕç вырăнĕсем тăвасси, шкулсемпе çулсене çĕклесси, вĕрентÿ пахалăхĕпе медицина, пурăнмалли коммуналлă хуçалăх тивĕçтерĕвне лайăхлатасси, хуласемпе ялсен тирпей-илемне хăпартасси. «Халĕ çавсене палăртса шăпах вĕсене пурнăçа кĕртес енĕпе специалистсен тăрăшулăхĕпе тĕрĕс документсем хатĕрлемелле», - тенĕ Николай Малов. Вăл çавăн пекех регионти уйрăмăн суйлав умĕнхи платформи «Единая Россиян» федераллă программине анлăлатнине палăртнă. Шăпах çак документпа тата халăхăн анлă шухăшне тĕрев парса, «Единая Россия» парти кандидачĕсем çине шанса сентябрĕн 18-мĕшĕнче РФ Патшалăх Думине тата Чăваш Республикин Патшалăх Канашне суйлас тĕллевпе сасăлава кайăпăр та.
Малашлăхри 5 çул «Единая Россия» команди çак плансене пурнăçа кĕртес тĕлĕшпе ĕçлĕ, Чăваш регионĕ вара тата та хăтлăрах пурăнĕ.