18 июня 2016 г.
Эпир, Елчĕкри пĕтĕмĕшле пĕлÿ паракан вăтам шкулти 2 «а» класра вĕренекенсем, республикăри «Бумажный БУМ» проекта активлă хутшăнтăмăр. Хут-хăмăр пуçтарса кĕçĕн классем хушшинче пĕрремĕш вырăн йышăнтăмăр. Пире, ăмăрту çĕнтерÿçисене, экскурсие ячĕç.
Çак кунсенче эпир хамăрăн юратнă учительница Вера Геннадиевна Молоствова ертсе пынипе Шуршăлти Космонавтика музейĕнче пултăмăр. Эпир музейра А.Г.Николаев космонавт çинчен нумай çĕннине пĕлтĕмĕр. Шупашкарти Лакрей паркĕнче канни те кăмăла çĕклерĕ. Эпир хамăрăн шкул дирекцине пире хавхалантарнăшăн чун-чĕререн тав тăватпăр.
Кира БЫКОВА.