11 июня 2016 г.
Аслă Пăла Тимешри почта çыхăну уйрăмĕнчи почтальонкăсем пĕринчен тепри хастар.
Аслă Пăла Тимеш ялĕн çыннисене хаçат-журналпа, ытти почта çыхăнăвĕн çăмăллăхĕсемпе Эльфрида Дементьева почтальонка тивĕçтерет. Хальхи вăхăтра тăрăшуллă почтальонка 2016 çулхи иккĕмĕш çур çулта илсе тăма хаçат-журнал çырăнтарать. Лена Лисицына пенсионерка, Аслă Пăла Тимешри культура çурчĕн заведующийĕ Елена Портнова «Елчĕк ен» хаçата кăмăлласа çырăнчĕç.
- Эпĕ район хаçатне юратса вулатăп. Унсăр пуçне республикăра тухса тăракан хаçатсене те илсе тăратăп,- пĕлтерет Лена Николаевна.
- «Елчĕк ене» çемйипех вулатпăр, - сăмах хушрĕ Е.Портнова та.
Сăнÿкерчĕкре: Э.Дементьева /варринче/, Л.Лисицынăпа Е.Портнова.