11 июня 2016 г.
Çынсем ыйтнипе район прокуратури «Металлсервис» ОООра ĕçлекенсен прависене пурнăçа кĕртнине тĕрĕсленĕ.
Тĕрĕслевре ĕçлекенсене 2015 çулхи сентябрь-ноябрь уйăхĕсенче ĕç укçисене тÿлеменнине, кăçалхи март уйăхĕнче ĕçрен хăтарнă çынсемпе укçан татăлса пĕтменни палăрнă. Прокурор ыйтăвĕпе 15 суд приказĕ кăларнă, ĕçлекенсене 85 пин тенкĕ парăма тÿлеттерме йышăннă. Унсăр пуçне «Металлсервис» ООО директорне Д.Михайлова Чăваш Республикин Ĕçлев инспекцийĕ 4 пин тенкĕ, обществăна 30 пин тенкĕ штрафланă.
«Стройэнергосервис» ОООра та ĕçлев саккунĕсене пăсаççĕ. Обществăра тăрăшакан 16 ĕçчене 107 пин тенкĕ тÿлемен. Суд ĕçлекенсен ыйтăвне туллин тивĕçтернĕ.
Маларах административлă майпа айăпланнă А.Нягин пирки пуçăрнă ĕçе районти миравай судья патне пăхма ярса панă. Общество директорне 10 пин тенкĕлĕх штрафланă.
К.КОНОВАЛОВА,
район прокурорĕн пулăшуçи.