04 июня 2016 г.
Районти ялхуçалăх предприятийĕсемпе хресчен /фермер/ хуçалăхĕсенче ака ĕçĕсене мĕнле пахалăхпа пурнăçланине - калчасем мĕнле шăтса тухнине районти канашлура сÿтсе явнă.
Уй-хирсенче малтан комиссипе пулса тĕрĕслев ирттернĕ вăхăтра тунă фотодокументсемпе усă курни лару-тăрăва уçăмлăн куç умне кăларса тăратма май парать. Черетлĕ çуракире ялхуçалăх культурисене пĕтĕмпе 39500 гектар /иртнĕ çулхинчен 0,6 процент ытларах/ акса хăварнă. 2015 çулхипе танлаштарсан пĕрчĕллĕ тата пахчаçимĕç культурисен лаптăкĕсем ытларах. Хальхи вăхăтра районта кашни пусăм çĕре пусăçаврăнăшне кĕртнĕ, унпа тухăçлă усă кураççĕ.
Яваплă ĕçе агротехника хушнă чи кĕске вăхăтра тата пысăк пахалăхпа пурнăçласа хăварнă ялхуçалăх предприятийĕсем «Прогресс» АХО, «Рассвет», «Комбайн», «Сатурн», «Труд», Ленин ячĕллĕ ЯХПКсем, «Нива» агрофирма», «Клевер», «Урожай» «АСК-Яльчики» ОООсем, А.Севриков, Ф.Шадриков, А.Петров, Ю.Тетмуков, В.Чернов, Г.Афанасьев хресчен /фермер/ хуçалăхĕсем пулнине палăртнă.
Унсăр пуçне, пĕрчĕллĕ тата пăрçа йышши культурăсен лаптăкĕсене çумкурăкран тата тĕрлĕ хурт-кăпшанкăран хÿтĕлесе пурнăçламалли, выльăх апачĕ хатĕрлес ĕçсем мĕнле пыни, выльăх-чĕрлĕх отраслĕн аталанăвĕ çинчен тĕплĕн чарăнса тăнă.
Канашлу ĕçне пĕтĕмлетме район администрацийĕн пуçлăхĕ Н.Миллин хутшăннă.