01 июня 2016 г.
Майăн 28-мĕшĕнче - пограничниксен кунĕ, районти чикĕ хуралçисен ветеранĕсем хăйсен уявне анлăн паллă тунă.
Савăнăçлă мероприятие район пуçлăхĕ Петр Скворцов /вăл хăй те запасри воин-пограничник/, район администрацийĕн пуçлăхĕн пĕрремĕш çумĕ Леонард Левый хутшăнчĕç. Вĕсем çĕршыв чиккинче тĕрлĕ çулсенче шанчăклă хурал тăнă, çитĕнекен ăрăва паянхи пурнăçра та ырă тĕслĕхĕпе хавхалантаракан ентешĕмĕрсене уяв ячĕпе саламланă.
Пограничниксене ытти çарсенче службăра тăнă ветерансемпе шкул ачисем те саламланă. Раççей Федерацийĕн тата Чăваш Республикин тава тивĕçлĕ культура ĕçченĕ Геннадий Борисов ертсе пыракан Патреккелти халăх хорĕн тата кунти «Илем» пултарулăх ушкăнĕн коллективĕсем илемлĕ юрă-кĕвĕ парнеленĕ.
С.АНАТОЛЬЕВА.