01 июня 2016 г.
.jpg)
2016 çулхи июлĕн 1-мĕшĕнчен пуçласа августăн 15-мĕшĕччен иртекен Пĕтĕм Раççейри ялхуçалăх çыравĕ çинчен кашни çын патне тĕплĕ информаци çитерес тĕллевпе патшалăх статистика служби çак тапхăрта питех те нумай ĕç туса ирттернĕ.
Çĕршыв шайĕнчи пĕлтерĕшлĕ мероприятие йĕркелесе ирттерессин кунĕ те нумай тăрса юлмарĕ. Çакна асра тытса Елчĕкри пĕтĕмĕшле пĕлÿ паракан вăтам шкулта истори тата обществознани предмечĕсене ертсе пыракан В.Николаев ачасене кăсăклантарма пĕлнĕ. 10 «Е» класра вĕренекенсем хушшинче «2016 çулхи Пĕтĕм Раççейри ялхуçалăх çыравĕ çинчен эсир мĕн пĕлетĕр;» ятпа викторина ирттернĕ. Унта пурте хастар хутшăннă. Виктория Филиппова, Василиса Ефремова, Анита Обручкова, Денис Портнов, Света Охотина тата Максим Шавкин çĕнтерÿçĕсемпе призерсем пулса тăнă.