01 июня 2016 г.
Çĕртме, 1
Раççей Федерацийĕн Çыхăну çулĕсен министерствин «Чукун çула 150 çул» паллăна, «Раççей Федерацийĕн Çыхăну çулĕсен министерствин чукун çулăн хисеплĕ ĕçченĕ» ята тивĕçнĕ Лидия Аркадьевна Николаева /Энтепе/ çуралнăранпа - 70 çул.
Ĕç Мухтавĕн III степень орденне, ВЛКСМ Центральнăй Комитечĕн Хисеп грамотине тивĕçнĕ Владимир Николаевич Сазонов /Кÿлпуç/ çуралнăранпа - 65 çул.
Çĕртме, 2
КПСС обкомĕпе Чăваш АССР Министрсен Совечĕн Хисеп грамотине, халăх искусствисен тата художество промыслисен мастерĕн ятне, халăхсем хушшинчи «Буян-остров» фестивалĕн Гран-прине тивĕçнĕ Зинаида Ивановна Воронова /Елчĕк/ çуралнăранпа - 65 çул.
Геолог, наука сотрудникĕ Сергей Михайлович Исаев /Энтепе/ çуралнăранпа - 60 çул.
Çĕртме, 3
Чăваш ССР культурăн тава тивĕçлĕ ĕçченĕ, Чăваш Республикин Патшалăх Канашĕн Хисеп грамотине, «РСФСР чи лайăх библиотекарĕ», «Чăваш Республикин чи лайăх библиотекарĕ» ятсене тивĕçнĕ Виктор Ильич Степанов /Комсомольски районĕ, Нĕркеç/ çуралнăранпа - 70 çул.
Çĕртме, 4
СССР сывлăх сыхлавĕн отличникĕ, «Социализмла ăмăрту çĕнтерÿçи» паллăна тивĕçнĕ Мария Ивановна Морозова /Çирĕклĕ Шăхаль/ çуралнăранпа - 80 çул.
Чăваш Республикин культурăн тава тивĕçлĕ ĕçченĕ, СССР Журналистсен союзĕн членĕ Антонина Арсентьевна Николаева /Акчел/ çуралнăранпа 70 çул.
Çĕртме, 6
РСФСР,СССР çутĕç отличникĕ, Отечествăлла вăрçăн II степень орденне, медальсене тивĕçнĕ Анатолий Зиновьевич Марков /Ĕнел/ çуралнăранпа - 90 çул.
«РСФСР Хура тăпраллă мар çĕрсене çĕнетнĕшĕн», «Ĕçри хастарлăхшăн» медальсене тивĕçнĕ Зинаида Гурьевна Осипова /Тÿскел/ çуралнăранпа - 80 çул.
Çĕртме, 8
Чăваш Республикин тава тивĕçлĕ механизаторĕ Виталий Никандрович Кириллов /Кипеç/ çуралнăранпа - 55 çул.
Çĕртме,10
Халăх вĕрентĕвĕн отличникĕ, Хĕрлĕ Çăлтăр ордена, «1941-1945 çулсенче Аслă Отечествăлла вăрçăра Германие çĕнтернĕшĕн», «Ĕçри хастарлăхшăн» тата ытти медальсене тивĕçнĕ Леонид Филиппович Петрянкин /Аслă Елчĕк/ çуралнăранпа - 100 çул.
Ĕçлĕх Хĕрлĕ Ялав орденне тивĕçнĕ Нина Егоровна Фомина /Исемпел/ çуралнăранпа - 95 çул.
«Ача амăшĕ героиня» ордена тивĕçнĕ Ксения Александровна Мартынова /Кушкă/ çуралнăранпа - 90 çул.
Çĕртме,12
Чăваш АССР наукин тава тивĕçлĕ деятелĕ, Ĕçлĕх Хĕрлĕ Ялав, Халăхсен Туслăхĕн орденĕсене, медальсене тивĕçнĕ, Чăваш АССРĕн, Елчĕк районĕн Ĕç Мухтавĕпе Паттăрлăхĕн Хисеп Кĕнекисене кĕнĕ Иван Данилович Кузнецов /Вырăскасси/ çуралнăранпа - 110 çул.
Елчĕк районĕн Ĕç Мухтавĕн тата Паттăрлăхĕн Хисеп Кĕнекине кĕнĕ вăрçă ветеранĕ Петр Васильевич Пугачев /Аслă Таяпа/ çуралнăранпа - 90 çул.
Ĕç Мухтавĕн II степень орденне, КПСС Чăваш обкомĕпе Чăваш АССР Министрсен Совечĕн Хисеп грамотисене, медальсене тивĕçнĕ Аркадий Трофимович Общин /Аслă Пăла Тимеш/ çуралнăранпа - 85 çул.
«За сотрудничество» ордена, медальсене тивĕçнĕ Сергей Николаевич Волков çар служащийĕ /Хăвăлçырма/ çуралнăранпа - 50 çул.
Çĕртме, 13
ЧАССР Верховнăй Совечĕн Президиумĕн Хисеп грамотине тивĕçнĕ Николай Абрамович Иванов /Кивĕ Эйпеç/ çуралнăранпа - 85 çул.
Раççей Федерацийĕн пĕтĕмĕшле вĕрентĕвĕн хисеплĕ ĕçченĕ, нумай çул Елчĕк шкулĕнче учительте ĕçленĕ Людмила Егоровна Крылова /Сĕнтĕрвăрри районĕ/ çуралнăранпа - 60 çул.
Çĕртме, 15
«Хисеп Палли» ордена, «1941-1945 çулсенче Аслă Отечествăлла вăрçă вăхăтĕнче хастар ĕçленĕшĕн», ВДНХн пăхăр медалĕсене тивĕçнĕ Федор Арсентьевич Лазарев /Акчел/ çуралнăранпа - 85 çул.
А.ПЕТРОВ пухса хатĕрленĕ.