28 мая 2016 г.
Çуркуннехи уй-хир ĕçĕсене агротехника хушнă чи кĕске вăхăтра вĕçленĕ районти ялхуçалăх предприятийĕсемпе хресчен /фермер/ хуçалăхĕсенче калчасем мĕнле шăтса тухнине кашни çулхи пекех комиссипе тĕрĕслеççĕ.
Район администрацийĕн ялхуçалăх пайĕн начальникĕ П.Тремасов ертсе пынипе иртекен тĕрĕслевре комисси членĕсем ялхуçалăх культурисене туса илнĕ çĕрте агротехникăна /çĕре мĕнле ĕçлесе хатĕрлени, пусăçаврăнăшне кирлĕ пек йĕркелеме пĕлни, вăрлăхсемпе, удобренисемпе усă курни/ шута илнине, палăртнă плансене пурнăçланине, уй-хир культурине /ÿсен-тăран çăралăхĕ, юпасемпе çулсен хĕррисене йĕркене кĕртни/ мĕнле пăхăнса ĕçленине малти вырăна хураççĕ.