21 мая 2016 г.
Виçĕмкун Патăрьел районĕнче Раççей Федерацийĕн Патшалăх Думин Вĕренÿ енĕпе ĕçлекен комитечĕн председателĕн çумĕ Алена Аршинова тата Чăваш Республикин Патшалăх Канашĕн депутачĕ, «Единая Россия» партин регионти уйрăмĕн секретарĕ Николай Малов ĕçлĕ çулçÿревпе пулнă.
Алена Игоревна Патăрьел, Комсомольски, Шăмăршă, Елчĕк районĕсенчи педагогсен пĕрлехи канашлăвне хутшăннă. Вăл тĕлпулура вĕренÿ учрежденийĕсенчи çивĕч ыйтусене хускатнă, комитет еплерех ĕçлесе пыни çинче чарăнса тăнă. Патшалăх Думин депутачĕ тăватă районти тăрăшуллă педагогсене Раççей Федерацийĕн Патшалăх Думин Тав çырăвĕсене парса чысланă. Вĕсен йышĕнче Елчĕкри пĕтĕмĕшле пĕлÿ паракан вăтам шкулти физика учителĕ Алексей Данилов та пур.
Алена Игоревна çулçÿрев вĕçленнĕ май çакна палăртнă: ума тухса тăракан ыйтусене вырăнта татса пани, пĕр-пĕринпе паллашни малашне те тивĕçлĕ те вăхăтлă пулăшу пама май парать. Çавăн пекех вăл Патăрьелĕнчи ача сачĕсен ĕçĕ-хĕлĕпе паллашнă, «Орленок» тата «Зарница» çарпа спорт вăййисене уçма хутшăннă.
Николай Малов Патăрьелĕнчи 2-мĕш вăтам шкулта пулнă, «Гимн труду» кĕтес уçнине ырланă. Николай Владимирович районти суту-илÿ, культура ĕçченĕсемпе, район центрĕнчи «Сказка» ача садĕнче вăй хуракансемпе тĕл пулнă.