14 мая 2016 г.
Хальхи вăхăтра 4098 экземплярпа пичетленекен, урăхла каласан, кашни иккĕмĕш килте тенĕ пекех илсе тăракан район хаçатне - «Елчĕк ене» ял çыннисем хапăлласа йышăннине тата юратса вуланине çирĕплетсех калама пулать.
Район хаçатне халăх хушшинче сарас ĕçре почта ĕçченĕсем хăйсен тивĕçлĕ тÿпине хываççĕ. Иртнĕ кунсенче Çĕнĕ Пăвари çыхăну уйрăмĕнче пулма тÿр килнĕ май Кĕçĕн Шăхаль, Аслă Шăхаль тата Турхан ялĕсенче пурăнакансене хаçат-журналпа тивĕçтерекен Луиза Чугунова почтальонкăпа паллашрăмăр. Çамрăк хĕрарăм çыхăну уйрăмне пынă çынсемпе кăçалхи иккĕмĕш çур çул валли хаçат-журнал çырăнас пирки сăмах пуçарчĕ. Рена Андреевна Мордвинова ĕç ветеранĕ çыхăну уйрăмне шăпах çак ыйтупа пынă.
- Район хаçатне çырăнмасăр тăрса юлас мар, - терĕ вăл. Луиза Васильевна ăна хаваспах «Елчĕк ен» хаçата çырăнтарчĕ /сăнÿкерчĕкре/.
Светлана АРХИПОВА.
Майăн 12-22-мĕшĕсенче - «Елчĕк ене» йÿнĕ хакпа
Раççей почти хаçат-журнала 2016 çулăн II çурринче йÿнĕ хакпа çырăнса илмелли 10 кунлăх ирттересси çинчен пĕлтерет. Çак вăхăтра «Елчĕк ене» 354,54 тенкĕпе çырăнса илме, 32,58 тенкĕ перекетлеме пулать. Çавăнпа çыхăну уйрăмне васкăр е почтальонкăпа тĕл пулăр.
Район хаçатне «Чăвашпичет» киоскĕнче, редакцире, НФЦра 210 тенкĕпе илсе тăма та çырăнма пулать.