14 мая 2016 г.
Кăçалхи тăваттăмĕшсем Пĕтĕм Раççейри тĕрĕслев ĕçĕсем çыраççĕ.
Майăн 11-мĕшĕнче вырăс чĕлхипе диктант çырнă, майăн 13-мĕшĕнче вырăс чĕлхипе иккĕмĕш пайĕ /тестсем/ иртнĕ, майăн 17-мĕшĕнче – математикăпа, майăн 19-мĕшĕнче - тăван тавралăхпа тĕрĕслев ĕçĕсем пурнăçлаççĕ.
Чăваш Республикин вĕренÿ тата çамрăксен политикин министрĕн пĕрремĕш çумĕ Светлана Петрова палăртнă тăрăх, Пĕтĕм Раççейри тĕрĕслев ĕçĕсем пуçламăш классенчи выпуск экзаменĕсем шутланмаççĕ. Вăл шкул, учитель пуçламăш шкулти пĕтĕмĕшле программăна ачасем мĕнле пĕлнине тĕрĕслени. Çавăн пекех пиллĕкмĕш класра учителĕн мĕн çине ытларах тимлĕх уйăрмаллине палăртмалли мел те. Тĕрĕслев ĕçĕсен кăтартăвĕсене пĕтĕмлетÿ паллăсене кăларнă чухне шута илмеççĕ.