05 мая 2016 г.
Пĕтĕм Раççейри ялхуçалăх çыравне хатĕрленнĕ май 2015 çулхи утă уйăхĕн 1-мĕшĕнчен пуçласа кăçалхи ака уйăхĕн 30-мĕшĕччен сăн ÿкерме юратакансен «Манăн Раççей» конкурсĕ иртнĕ.
Çак тапхăрта çĕршывăн тĕрлĕ кĕтесĕнчен 2 пин ытла сăнÿкерчĕк çитнĕ. Вĕсенче ялхуçалăхĕнчи ĕç-хĕле, ял илемлĕхне, хăйнеевĕрлĕхне, хастар çыннисене сăнланă. Çырав пресс-центрĕнчен пĕлтернĕ тăрăх Чăваш Республикинче пурăнакансем те конкурса хастар хутшăннă.
Конкурса Пĕтĕм Раççейри ялхуçалăх çыравĕ пуçланнă кун - утă уйăхĕн 1-мĕшĕнче пĕтĕмлетеççĕ. Профессиллĕ сăнÿкерчĕксене жюри хак парать. Сăн ÿкерме юратакансенчен çĕнтерÿçĕпе икĕ призера сайтпа усă куракансем суйласа илеççĕ. Вăл 2016 çулхи çу уйăхĕн 5-31-мĕшĕсенче иртет. Çырав пресс-центрĕн сайчĕ: htpp//:www.vshp2016.ru. Кунта конкурсри ĕçсемпе паллашма та пулĕ.