30 апреля 2016 г.
Туйсем пуçланаççĕ
Районти ЗАГС пайĕн ĕçченĕсем пĕлтернĕ тăрăх, кăçал районта 11 çĕнĕ çемье хутшăннă.
Кăçал високоснăй çул пулнăран çамрăксем çемье çавăрма васкаманни курăнать. Май праçникĕсем хыççăн 3 мăшăр регистрациленме заявлени панă. Апла пулсан туйсем пуçланаççĕ.
Çамрăксем маттур
Республикăри çамрăксен «Ял профессийĕсен парачĕ» конкурс-фестивалĕ Патăрьел районĕнче иртнĕ.
Унта 18 команда хутшăннă. Елчĕк район чысне централизациленĕ клуб тытăмĕнчи ĕçченсем хÿтĕленĕ. Культработниксем «Чăваш Енĕн ылтăн çамрăкĕсем» номинаци çĕнтерÿçисем пулса тăнă.
Ял илемленет
Акчел çамрăкĕсем, ял тăрăхĕн депутачĕ О.Кедров ертсе пынипе, яла тирпей-илем кĕртес тĕлĕшпе сахал мар ырă ĕç туса ирттереççĕ.
Хальхи вăхăтра сад пахчи пулнă вырăна тасатаççĕ. Часах унта ача-пăча валли вылямалли площадка çĕкленсе ларĕ.