30 апреля 2016 г.
Апрелĕн 28-мĕшĕнчен пуçласа майăн 28-мĕшĕччен районта «Частник» профилактика операцийĕ иртет.
Уйрăм çынсен харпăрлăхĕнче тĕрлĕ техника хатĕрĕ сахал мар. Анчах та вĕсене йĕркеллĕ тытса тăрас енĕпе ыйтусем пур. Çавăнпа тракторсемпе прицепсене техника енчен юсавлă пулнине, вĕсемпе усă курнă чухне çул çÿремелли, техника хăрушсăрлăхĕн, ĕç сыхлавĕн йĕркисене пăхăннине тĕрĕслеççĕ. Çавăн пекех техника хатĕрĕсене, уйрăмах мини-тракторсене регистрацилесси тĕп вырăнта пулĕ.
Кашни техника хатĕрĕ çинче регистраци номерĕсем, докуменчĕсем, медицина аптечки, пушар сÿнтермелли хатĕрсем /огнетушительсем/ пулмалла. Транспорт хатĕрне страхламалла, техосмотршăн тÿлемелле. Механизаторсем кивĕ йышши удостоверенисене çĕннисемпе улăштармалла, мини-тракторпа çÿреме ирĕк паракан «В» категорири удостоверени кирлĕ.
А.СОЛОВЬЕВ,
патшалăх техника асăрхавĕн районти инспекцийĕн ертÿçи.