27 апреля 2016 г.
Çăмăл мар кун-çул шăпипе тĕл пулнă çынсем районти тĕп библиотекăра ирттерекен «Шурă туя» клубăн черетлĕ занятийĕнче тĕл пулнă.
Елчĕк тата Комсомольски районĕсенчи куç курманнисене пĕрлештерсе тăракан общество организацийĕн ертÿçи Г.Михайлов 2015 çулта асăннă организаци пурнăçра сывлăх тĕлĕшĕнчен йывăрлăх тÿсекен çынсене пулăшассипе мĕнле ĕçсем туса ирттерни çинчен чарăнса тăнă.
Тĕлпулăва хутшăннисен умĕнче Пенси фончĕн районти пайĕн ертÿçи З.Яковлева, халăха социаллă пулăшу паракан пай начальникĕ И.Аникина тухса калаçнă. Сăмах, тĕпрен илсен, 2016 çулхи февралĕн 1-мĕшĕнчен пуçласа Чăваш Республикин «Уйрăм категорири граждансене пурăнмалли çурт-йĕрпе коммуналлă пулăшу ĕçĕсемшĕн тÿлес енĕпе социаллă пулăшу памалли йĕрке çинчен» саккунне улшăнусем кĕртни пирки пынă. Халăха социаллă пулăшу паракан пайĕн ертÿçи И.Аникина уйрăм категорири граждансене тивĕçтерекен социаллă пулăшу мерисем çинчен уйрăммăн чарăнса тăнă.