27 апреля 2016 г.
Аслă Çĕнтерÿ 71 çул тултарнине халалласа Елчĕк тăрăхĕнче апрелĕн 22-мĕшĕнчен пуçласа майăн 9-мĕшĕччен «Георги ленти» акци иртет.
Хальхи вăхăтра районта Георги лентине çынсене валеçсе парас, çапла майпа çитĕнекен ăрăва историри патриотла ĕçсем çинчен каласа кăтартас ĕç пырать.
Георги ленти - Аслă Çĕнтерĕвĕн, çар мухтавĕн символĕ. Ăна тумтир çине вырнаçтарса çĕршывшăн мăнаçланнине, вăрçă ветеранĕсене, вĕсен паттăрлăхне хисепленине, вилнисене асăннине палăртатпăр.
Çавăн пекех районта «Çĕнтерÿ йывăçĕ» акци те пуçланать. Волонтерсем тĕп стадионта чăрăшсем лартаççĕ.