27 апреля 2016 г.
Апрелĕн 28-мĕшĕнче çулсеренех Пĕтĕм тĕнчери ĕç сыхлавĕн кунне паллă тăваççĕ. Çак кун умĕн Раççей Федерацийĕн Следстви комитечĕн Чăваш Республикинчи следстви управленийĕ 2015 çулхи тата 2016 çулăн пĕрремĕш кварталти производствăри суранлăх пирки пуçарнă уголовнăй ĕçсене тĕпченине пĕтĕмлетнĕ. Çакă çынсен ĕç сыхлавĕпе çыхăннă конституци правине хÿтĕлет.
2015 çулта Чăваш Республикин следстви управленийĕн следователĕсем производство суранлăхĕ пирки уголовнăй 16 ĕç пуçарнă, çав шутран ĕç вырăнĕнче çынсем вилнĕ пирки 8 ĕç, 2016 çулта - уголовнăй 3 ĕç, çав шутра ĕç вырăнĕнче 2 çын вилнĕ пирки. Уйрăмах кунта Шупашкар, Çĕнĕ Шупашкар хулисем, Вăрнар, Красноармейски, Муркаш, Çĕрпÿ, Шупашкар, Етĕрне районĕсем «палăрнă». Следстви ĕçĕсем кăтартса панă тăрăх, производствăра суранланасси уйрăм ĕçсене пурнăçланă чухне хăрушсăрлăх йĕркисене пăхăнманнинчен, харпăр хăй хÿтĕлевĕн хатĕрĕсене усă курманнинчен, юсавсăр оборудованипе ĕçленинчен, ĕç вырăнĕсем хăрушсăрлăх йĕркисене тивĕçтерменнинчен, ĕçлекенсемпе инструктажсем ирттерменнинчен, çынсене ĕç вырăнне явăçтарассине тивĕçлипе йĕркелеменнинчен килнине палăртнă.
Следстви управленийĕ ытти асăрхав органĕсемпе пĕрле çынсене производствăра суранланассинчен сыхлас, вĕсен ĕçлев прависене хÿтĕлес енĕпе малашне те тĕрлĕ енлĕ ĕçсем тума палăртать.
А.ИВАНОВ,
Раççей Федерацийĕн Следстви комитечĕн Чăваш Республикинчи управленийĕн
Патăрьелĕнчи районсем хушшинчи следстви пайĕн ертÿçи.