23 апреля 2016 г.
Раççей гражданĕсене регистраци учетне илесси миграци службин тĕп тивĕçĕсенчен пĕри шутланса тăрать.
Граждансене пурăннă вырăнта регистрацилес тесен, заявлени паракан регистраци органне çак документсене тăратмалла: çын кам пулнине ĕнентерекен документ /14 çула çитменнисемшĕн - çурални çинчен свидетельство/, заявлени, палăртнă çуртра е хваттерте пурăнма ирĕк панă документ. Вĕсене Раççей миграци службин вырăнти подразделенине е нумай функциллĕ центра килсе, тата ансатрах майпа - патшалăх тата муниципалитет пулăшăвĕсен Пĕрлехи порталĕ /http://www.gosuslugi.ru/ урлă тума май пур.
Пĕрлехи портал урлă пулăшу илес тесен, порталта регистрациленмелле, маларах асăннă документсемсĕр пуçне электрон мелĕпе килнине ĕнентерекен адрес листокне, статистика учечĕн листокне тултармалла, документсен оригиналĕсемпе подразделенине килмелле. Тĕплĕнрех 2-56-54 телефонпа ыйтса пĕлмелле.
Т.КАЗЕЕВА.