20 апреля 2016 г.
Республикăра «Ачалăхшăн, ачалăх ячĕпе» ыркăмăллăх марафонĕ малалла пырать.
Сăваплă ĕçе районти хуçалăхсем, предприятисемпе организацисем, учрежденисем йышлă хутшăнаççĕ. Юлашки вăхăтра А.Петров, А.Мясников, О.Гаврилов, Б.Головин, Г.Афанасьев хресчен /фермер/ хуçалăхĕсем пысăк активлăхпа палăрнă. Çавăн пекех «Стройэнергосервис», «Спутник-1», «Слава картофелю-Яльчики» сахал яваплă юлташлăхсем пухмача 1000-5000-шер ытла тенкĕ куçарнă. Уйрăм предпринимательсенчен Кавалти В.Изратов пуçаруллă. Хальлĕхе район çыннисем пухмача мĕнпурĕ 199482 тенкĕ те 34 пуспа пуянлатнă.
Ырă ĕçрен пăрăнар мар, хаклă ентешĕмĕрсем! Ырри ырăпа таврăнатех.