20 апреля 2016 г.
Тунтикун район администрацийĕн пуçлăхĕ Н.Миллин райадминистрацин структура подразделенийĕсен, ял тăрăхĕсен, предприятисемпе организацисен ертÿçисемпе канашлу ирттернĕ.
Иртнĕ эрнере районта тĕрлĕ мероприяти сахал мар пулнă. Чăваш Республикин Пуçлăхĕ М.Игнатьев «Победа» ОООра, «Комбайн» ЯХПКра, «Прогресс» АХОра уй-хирти çурхи ĕçсене йĕркеленипе паллашнă, районти ял-хуçалăх предприятийĕсен, хресчен /фермер/ хуçалăхĕсен ертÿçисемпе канашлу ирттернĕ.
Çавăн пекех районта пушар хуралне йĕркеленĕренпе 55 çул çитнине савăнăçлăн уявланă /çак икĕ пысăк мероприяти пирки материалсем хаçатăн паянхи номерĕнче кун çути кураççĕ/.
Кăçалхи апрелĕн 1-мĕшĕнче çамрăксене çар ретне тăратасси пуçланнă. Призывăн çурхи тапхăрĕ çинчен район администрацийĕн пуçлăхĕн пĕрремĕш çумĕ Л.Левый чарăнса тăнă. Кăçал пирĕн районтан 26 çамрăк Тăван çĕршыва хÿтĕлекенсен ретне тăмалла. Çар ретне каякансен сывлăхне тĕрĕслессине вĕçленĕ. Çывăх вăхăтра ялсенче салтак юрри юрлама пуçлĕç.
Иртнĕ кĕрхи призывра пирĕн район тата Курнавăш ял тăрăхĕ ăнăçлă ĕçленĕ. Канашлура район администрацийĕн пуçлăхĕ Н.Миллин Курнавăш ял тăрăхĕнчи çарпа учет ĕçĕн специалистне В.Светопольскаяна, район администрацийĕн ятарлă программăсен пайĕн ертÿçине А.Клементьева, Çирĕклĕ Шăхаль ял тăрăхĕн пуçлăхне Л.Кошкина Чăваш Республикин çар комиссариачĕн Комсомольски тата Елчĕк районĕсенчи пайĕн Хисеп грамотисемпе чысланă.
Районти уй-хирти çурхи ĕçсем пирки райадминистрацин ялхуçалăх пайĕн ертÿçи П.Тремасов, вăрттăн ĕçлеве чакарас, ĕç укçи тÿлемелли вăрттăн схемăсене пĕтерес тĕлĕшпе район администрацийĕн экономика, пурлăхпа çĕр хутшăнăвĕсен пайĕн ертÿçи М.Павлова, пурте усă куракан автоçулсене тытса тăрассипе район администрацийĕн капиталлă строительство, пурăнмалли çурт-йĕрпе коммуналлă хуçалăх пайĕн ертÿçи Н.Петров чарăнса тăнă.
Ларура районшăн пĕлтерĕшлĕ ытти ыйтусене те тишкернĕ.