16 апреля 2016 г.
«Яманчурино» сахал яваплă юлташлăхри çĕр ĕçченĕсем çуркуннехи уй-хир ĕçĕсене пурнăçлама тĕплĕн хатĕрленнĕ.
Ĕнерхи кун тĕлне кунта кĕрхи культурăсене 80 гектар çинче минераллă удобренисемпе апатлантарнă, 100 гектар нумай çул ÿсекен курăксен лаптăкĕнче нÿрĕк тытса хăварнă. Уй-хирти ĕçсене пурнăçлама Василий Ермаков, Валерий Петров механизаторсене çирĕплетнĕ.
Ялхуçалăх предприятийĕнче пĕрчĕллĕ тата пăрçа йышши культурăсене анчах мар, 400 гектар ытла йышăнакан нумай çул ÿсекен курăксен пĕтĕм лаптăкне минераллă удобренисемпе апатлантарма палăртнă. Çакна шута илсе ăна кирлĕ таран туяннă.