09 апреля 2016 г.
Çар ĕçĕсен ветеранĕсен «Доблесть» обществăн республикăри организацине савăнăçлă хыпар çитнĕ - унăн ертÿçине, Тÿскел ялĕнче çуралса ÿснĕ Владимир Николаевич Яковлева Раççей Ĕçлев тата социаллă хÿтлĕх министерствин Хисеп грамотипе чысланă.
Владимир Яковлев 17 çул ытла ветерансен организацийĕсене ертсе пырать. Çак тапхăрта вăл çар ĕçĕсен ветеранĕсен пурнăçри ыйтăвĕсене татса парас, çитĕнекен ăрăва патриотла воспитани парас енĕпе вăй-хала шеллемест. Владимир Николаевич ертсе пыракан общество организацийĕ 2007 çултанпа ветерансен пĕтĕм тĕнчери «Вăрçă ветеранĕсен обществăлла комитечĕ» организацийĕн активлă членĕ шутланать. Çакăн пек пысăк ят-сумлă организацире пулни республикăра пурăнакан çар ĕçĕсен ветеранĕсене, инваличĕсене, вĕсен çемйисене пысăк пулăшу парать.