09 апреля 2016 г.
Пĕтĕм Раççейри ялхуçалăх 2016 çулхи çыравăн пресс-центрĕ кăçалхи ака уйăхĕн 1-мĕшĕнче ача-пăча ÿкерчĕкĕсен конкурсне ирттерессине пĕлтернĕ. Унта Раççейри 7-12 çулти ачасем хутшăнма пултараççĕ.
Ÿкерчĕксенче çыравпа çыхăннă пулăмсене сăнарлама юрать, переписчикпа тĕл пулни, ыйтусене хуравланă самант, тăван тавралăх, ялхуçалăх, çĕр çыннин ĕçĕ-хĕлĕ,выльăх-чĕрлĕх, кайăк-кĕшĕк тата ытти те.
Конкурс 2016 çулхи апрелĕн 1-мĕшĕнчен пуçласа июнь уйăхĕн 21-мĕшĕччен иртет. Ĕçсене çу уйăхĕн 31-мĕшĕччен йышăнаççĕ. Унта хутшăнакансене икĕ ушкăна уйăрнă. 1-мĕшне - 7-9, 2-мĕшне - 10-12 çултисем кĕреççĕ. Ачасен сайтра вырнаçтарнă ятарлă формăна çырса тултармалла. Конкурс çĕнтерÿçисене, призерсене кашни ушкăнпах икĕ тапхăрпа палăртаççĕ. Малтан çырав пресс-центрĕн сайчĕпе усă куракансем сасăлĕç. Кашни ушкăнран чи нумай балл пухнă 10 ачана палăртĕç. Унтан вĕсенчен жюри пĕр çĕнтерÿçĕ тата икĕ призер суйласа илĕ. Вăл ĕçсем конкурс темипе килĕшсе тăнине, унăн хăйнеевĕрлĕхне тĕпе хурĕ.
Хавхалантару фончĕ - 35 пин тенкĕ.Икĕ çĕнтерÿçĕ 6500-шар тенкĕ илĕ, тăваттăшĕ - 5500-шер тенкĕ.
Конкурс условийĕпе тĕплĕнрех пресс-центр сайтĕнче - www.vshp2016.ru - «Ача-пăча ÿкерчĕкĕсен конкурсĕ» уйрăмра паллашма пулать. Ăмăрту мĕнле пынине Пĕтĕм Раççей ялхуçалăх 2016 çыравăн пресс-центрĕн социаллă сечĕсем -«ВКонтакте», «FACEBOOK» урлă сăнама май пур. Тĕплĕнрех пресс-центрăн электронлă почти - risunok@vshp2016.ru – урлă та ыйтса пĕлме юрать.