09 апреля 2016 г.
Республикăри халăх пултарулăхĕн центрĕнче виççĕмĕш хут Пĕтĕм Раççейри хор обществин регионти конкурсĕ иртрĕ.
Унта Патреккелти халăх хорĕ те хутшăнчĕ. Раççей Федерацийĕн тата Чăваш Республикин культурăн тава тивĕçлĕ ĕçченĕ Геннадий Борисов ертсе пыракан хор «Взрослые любительские хоровые коллективы» номинацире çĕнтерчĕ. Хора учительсем, пенсионерсем, культура ĕçченĕсем йышлăн çÿреççĕ. Халĕ сцена ăстисем Чулхулана - округри конкурса - хутшăнма хатĕрленеççĕ.
Сăмах май каласан, унта республикăран икĕ коллектив хутшăнать. Тепри - Патăрьел районĕнчен.
Е.ДОБРОНРАВОВА.
Сăнÿкерчĕкре: хор Шупашкарти конкурсра.