09 апреля 2016 г.
Кăçал районти агитбригадăсен смотр-конкурсне «Ĕç çыннине мухтатпăр» лозунгпа ирттернĕ.
Конкурса сакăр команда хутшăннă. Выльăх-чĕрлĕх пăхаканăн, çĕр ĕçченĕн, учительпе врачăн тата ытти профессипе тăрăшакансен ĕçне ĕненмелле кăтартса панă пултарулăх çыннисем.
«Аслисен чи лайăх агитбригади» номинацире Аслă Пăла Тимеш ял тăрăхĕнчи «Çĕнтерÿшĕн» агитбригада мала тухнă. Иккĕмĕшпе виççĕмĕш вырăнсене Елчĕкри «Çилçунат» тата Тăрăмри «Пучах», Çирĕклĕ Шăхалĕнчи «Шуçăм» ушкăнсем пайланă.
«Çамрăксен чи лайăх агитбригади» ята Курнавăшри «Радуга» йышăннă. Хальхи вăхăтра районти çĕнтерÿçĕсем хăйсен ăсталăхне республикăра кăтартма хатĕрленеççĕ.