09 апреля 2016 г.
Часах çуллахи кану тапхăрĕ пуçланать. Чылайăшĕ ют çĕршывра канасшăн.
Ют çĕршыва каймалли çĕнĕ йышши паспорта илес тесен Федерацин миграци службин подразделенине заявлени, РФ гражданинĕн паспортне, 18-27 çулсенчи çамрăксем çар билетне, патшалăх пошлинине тÿлени çинчен квитанци тăратмалла. Паспорт илекен çын миграци службине хăй, енчен те ачасемпе пĕрле ют çĕршыва канма хатĕрленет пулсан, ачасемпе пĕрле килмелле, сăнÿкерчĕксем тумалла.
Ют çĕршыва каймалли çĕнĕ йышши паспортăн, киввисемпе танлаштарсан, уйрăмлăхсем чылай: вăл 10 çул юрăхлă, çавăн пекех ют çĕршывсене час-часах çÿрекенсем валли страницăсен шутне, хÿтĕлеве ÿстернĕ. Унсăр пуçне ют çĕршыва каймалли иккĕмĕш паспорт илме те май пур.
Ют çĕршыва каймалли паспорт илессине хăвăртлатас, вăхăта перекетлес тесен электрон майĕпе усă курни питĕ меллĕ - патшалăх тата муниципалитет пулăшăвĕсен Пĕрлехи порталне http://www.gosuslugi.ru сайта çеç кĕмелле.
Т.КАЗЕЕВА,
Федерацин миграци службин Чăваш Республикинчи управленийĕн
Патăрьелĕнчи районсем хушшинчи уйрăмĕн Елчĕкри территори пункчĕн тĕп эксперт специалисчĕ.