09 апреля 2016 г.
Апрелĕн 1-мĕшĕнчен пуçласа ĕçленине пăхмасăр патшалăх тивĕçтерекен пенсисен, çав шутра социаллă пенсисен виçи 4 процент ÿсрĕ.
Патшалăх тивĕçтерекен пенсисен калăпăшне федерацин 2015 çулхи декабрĕн 29-мĕшĕнчи 385-Ф3 номерлĕ саккунĕпе палăртнă.
Районта патшалăх тивĕçтерекен пенсине 611 çын, çав шутран социаллă пенсине 549 çын илсе тăрать. Аттелĕхĕн Аслă вăрçин инваличĕсене, участникĕсене, вилнĕ çар служащисен ашшĕ-амăшне, Ленинградра блокадăра пурăннă тата ытти категорири çынсене укçа-тенкĕ ÿстерсе параççĕ. Социаллă пенсин вăтам виçи 283,02 тенкĕ ÿснĕ, 7194,21 тенкĕпе танлашнă. Сусăр ачасем, ачаранах инвалид пулнисем те пысăкрах пенси илеççĕ - вĕсен пенсисем 460 тенкĕ ÿснĕ, 11,9 пин тенкĕне çитнĕ. Аттелĕхĕн Аслă вăрçин участникĕсен те пенсийĕ пысăкланнă - вĕсен вăтам виçи 31,3 пин тенкĕ.