Публикации » Поэтессăпа тĕл пулнă

09 апреля 2016 г.

Елчĕкри тĕп библиотекăн ача-пăча уйрăмĕнче Чăваш писателĕсен союзĕн  тата Пĕтĕм тĕнчери писательсен пĕрлешĕвĕн членĕпе Любовь Петрова поэтессăпа тĕлпулу иртрĕ.

Сăвăсен виçĕ сборникне кăларнă хăна хăйĕнпе паллаштарнă май пултарулăх çулĕ çине шкул парти хушшинчех  тăнине пĕлтерчĕ. Хăйĕн пĕрремĕш сăввине вăл амăшне халалланă. Сăвăсемсĕр пуçне поэт юрăсем те çырать. Тĕлпулура автор романссем те шăрантарчĕ. Çавăн пекех Любовь Алексеевна хăйĕн кĕнекине ÿкерчĕксемпе илемлетнĕ О.Ю.Беляева художника ăшшăн аса илчĕ. Библиотекарьсем тĕлпулăва хатĕрленсе «В душе всегда весну храни...» буклет хатĕрлерĕмĕр. Ăна тĕлпулăва хутшăннă кашни ачана парнелерĕмĕр, кашнинех  поэт хăй алă пусрĕ.

Л.КУДРЯШОВА.