06 апреля 2016 г.
4. Çак кун 1945 çулта Совет Çарĕсем Словакин тĕп хулине - Братиславăна нимĕç фашисчĕсенчен тасатнă.
9. 1945 çулта А.М.Васильевский маршал ертсе пыракан çарсем Хĕвелтухăç Пруссин тĕп хулине - крепоçне - Кенигсберга штурмласа илнĕ.
10. 1944 çулта Р.Я.Малиновский маршал ертсе пыракан çарсем Одесса хулине ирĕке кăларнă.
13. 1945 çулта Ф.И.Толбухин маршал ертсе пыракан çарсем Австрин тĕп хулине - Венăна нимĕç фашисчĕсенчен тасатнă.
16. 1945 çулта Берлиншăн стратегиллĕ наступлени операцийĕ пуçланнă. Фашистсен тĕп йăвине тытса илесшĕн пынă çапăçу Аттелĕхĕн Аслă вăрçин чи çивĕч саманчĕ шутланать.
18. 1242 çулта Александр Невский кнеçĕн вырăс салтакĕсем нимĕç рыцарĕсене Чудское кÿлĕ патĕнче çапса салатнă.
25. Çак кун 1945 çулта Эльба юханшывĕ патĕнче американсемпе Совет Çарĕ тĕл пулнă. Çапла пĕр-пĕрне алă пани нацистла Германие хирĕç пĕрле çапăçнă çĕршывсем туслăхне çирĕплетнĕ. Вермахт юлашкийĕсене икĕ пая пайланă - кăнтăртисемпе çурçĕртисене.