Публикации » Çĕнтерÿçĕсем паллă

02 апреля 2016 г.

Вĕренÿ учрежденийĕсенчи воспитательсем хушшинчи «Çулталăкри воспитатель - 2016» конкурс вĕçленнĕ.

Конкурса хутшăнакансем шкул çулне çитмен ачасемпе мĕнле ĕçленин мелĕсемпе паллаштарнă. Жюри членĕсем вĕсен ĕçне çивĕч куçпа хакласа чи лайăх воспитательсене палăртнă. Пĕтĕм ĕçсем тăрăх чи пысăк балл пуçтарнă Елчĕкри «Шевле» ача сачĕн воспитателĕ Наталия Архилина çĕнтерÿçĕ пулнине палăртнă.  Район центрĕнчи «Хĕвел» ача сачĕн коллективĕн чысне хÿтĕленĕ Валентина Тимофеева - иккĕмĕш, Патреккелти пĕтĕмĕшле пĕлÿ паракан тĕп шкул çумĕнчи шкул çулне çитмен ачасен ушкăнĕн воспитателĕ Людмила Крылова виççĕмĕш вырăнсене йышăннă. Валентина Гаврилова /Елчĕкри «Чебурашка»/, Венера Кудряшова /Курнавăшри шкул çумĕнчи шкул çулне çитмен ачасен ушкăнĕ/ воспитательсем лауреатсем пулса тăнă.