02 апреля 2016 г.
Сăрьелĕнче пурăнакан, нумаях пулмасть 85 çул тултарнă Салих Зарипович Шариповăн кун-çулĕ пархатарлă та сумлă.
Вăл ун чухнехи «Марс» тата «Победа» хуçалăхсенче нумай çул электрик тата сварщик пулса тăрăшнă - колхоза малалла аталантарассинче пысăк тÿпе хывнă.
Салих Зариповича юбилей ячĕпе пĕтĕм ял-йыш, çавăн пекех Аслă Пăла Тимеш ял тăрăхĕн пуçлăхĕ А.Портнов, районти Депутатсен пухăвĕн депутачĕ З.Салахутдинов, ветерансен канашĕн районти уйрăмĕ ячĕпе Р.Харисов саламланă. Тата нумай çул ырлăх-сывлăхпа пурăнма канлĕ ватлăх суннă.