26 марта 2016 г.
Шупашкарта пурăнакан 45 çулхи арçынпа 43 çулхи хĕрарăм Раççей Федерацийĕн хăрушсăрлăх службин Чăваш Республикинчи управленийĕн оперативлă сотрудникне 500 пин тенкĕ взятка сĕннĕ.
Çакăн пек пысăк суммăна арçын хăйĕн юлташĕ енĕпе пуçарнă уголовнăй ĕçе чарса лартма е ăна ирĕкре хăварма май паракан ĕç пуçарма ыйтса панă. Саккунсăр майпа азартлă вăйăсем йĕркеленĕ çынна вара арçынпа пурăнакан хĕрарăм - адвокат хÿтĕленĕ.
Раççей Федерацийĕн хăрушсăрлăх службин тата Следстви комитечĕн Чăваш Республикинчи управленийĕсен сотрудникĕсем взятка пама хăтланакансене тытса чарнă.
Уголовнăй ĕçе малалла тĕпчеççĕ.