26 марта 2016 г.
Пĕтĕм Раççейри бизнес-çырав - предпринимательлĕхĕн пĕчĕк тата вăтам субъекчĕсен 2015 çулхи ĕç-хĕлне статистика тĕлĕшĕнчен туллин сăнасси 2016 çулхи апрелĕн 1-мĕшĕнче вĕçленет.
Предпринимательсен анкетисене Чăвашстат 2016 çулхи мартăн 31-мĕшĕччен йышăнать. Тĕрлĕ сăлтава пула çак вăхăтчен кăтартусем пирки каласа кăтартма ĕлкĕреймен предпринимательсен юлнă вăхăтпа усă курса мĕнпур кăтартусем пирки уçăмлă хуравсем памалла. Ăна Чăвашстат сайчĕн электрон почтине ярса пама, çыхăну операторĕсем, почта, курьерсем урлă та çитерме пулать.
Чăвашстат çакăн пирки тепĕр хут аса илтерет: статистика сăнавне предпринимательлĕхĕн пĕчĕк тата вăтам субъекчĕсен пурин те обязательнăй йĕркепе хутшăнмалла. Саккуна пăхăнманнисене административлă майпа явап тыттараççĕ.
Статистика тĕлĕшĕнчи пахалăхлă тулли сăнав предпринимательсемшĕн те, патшалăхшăн та кирлĕ ĕç шутланать.
Предпринимательлĕхĕн пĕчĕк тата вăтам субъекчĕсен 2015 çулхи ĕç-хĕлне туллин сăнанин кăтартăвĕсене малтанхи хут 2016 çулхи декабрьте палăртаççĕ, пĕтĕмĕшле кăтартусем 2017 çулхи июнь уйăхĕнче паллă пулаççĕ. Информацисемпе тĕплĕнрех Чăвашстатăн chuvas.gks.ru официаллă сайтĕнче паллашма пулать.