19 марта 2016 г.
Шупашкар хулине йĕркеленĕренпе - 550 çул тата Чăваш автономи облаçне туса хунăранпа 100 çул çитнине уявлама хатĕрленекен ушкăнпа Чăваш Республикин Пуçлăхĕ Михаил Игнатьев черетлĕ ларура уяв мероприятисен планне улшăнусем кĕртес ыйтăва пăхса тухнă.
Михаил Васильевич юлашки çулсенчи экономикăри лару-тăрăва пула палăртнă ĕçе пурнăçламашкăн федераци тата регион хыснинчен укçа-тенкĕ сахалрах уйăрнине палăртнă.
ЧР культура, национальноçсен ĕçĕсен тата архив ĕçĕн министрĕн тивĕçĕсене пурнăçлакан Константин Яковлев асăннă юбилейсене тивĕçлĕ паллă тума сĕнÿсем тăратнă. Çĕнĕ планра малтанхисенчен çаксене - Шупашкарти Пĕтĕм тĕнчери кинофестивале, Д.М.Михайлов ячĕллĕ Пĕтĕм тĕнчери опера фестивальне тата ыттисене те - хăварма, вĕсен çумне халăх пултарулăхĕн Пĕтĕм Раççейри «Туслăх кĕперĕ: Крым тата Чăваш Ен», ачасен пултарулăхĕн Пĕтĕм Раççейри «Раççей чĕри» фестивалĕсене, Раççей библиотекисен саккăрмĕш «Библиокараван» форумне кĕртме палăртнă.