19 марта 2016 г.
Пуш уйăхĕн 1-мĕшĕнчен пуçласа ака уйăхĕн 30-мĕшĕччен республикăра хут-хăмăр пуçтармалли икуйăхлăх пырать.
Унта шкулсем, организацисем, лавккасем, уйрăм çынсем хутшăнма пултараççĕ. Нумай хут-хăмăр пуçтаракансене хавхалантарма та палăртнă. 5 тонна хут пуçтарсан 2000 тенкĕ, 4 тонна пуçтарсан 1500, 3 тонна хатĕрлесен 1000 тенкĕ преми хушса тÿлеççĕ. Аса илтеретĕп, 1 тонна хут пуçтарсан 750 кг çĕнĕ хут кăларма пулать.
Çавăн пекех полиэтилен бутылкăсем пуçтаракансене те укçан хавхалантараççĕ. 700-1000 кг хут-хăмăр тата полиэтилен бутылкисем пуçтарнă çынсене, лавккасене 300-шер тенкĕ преми кĕтет.
Аса илме кăмăллă: иртнĕ çул Курнавăш тата Аслă Елчĕк шкулĕсем хут-хăмăр пуçтарас енĕпе активлă ĕçлерĕç. Курнавăшсем 7,7 тонна, Аслă Елчĕксем 5,5 тонна хатĕрлесе 2000-1500-шер тенкĕ хушма укçана тивĕçрĕç.
Тĕплĕнрех 2-55-60 е 8-927-99-54-456 телефонсемпе ыйтса пĕлме пулать. Елчĕкри коопторг адресĕ: Елчĕк ялĕ, Беляев урамĕ, 9-мĕш çурт.
Ырă ĕçе пурте хутшăнар.
Е.ФЕДОТОВА.