10 марта 2016 г.
Тăрăм ял тăрăхĕнче хальхи вăхăтра 90 çултан иртнĕ тăватă ватă пурăнать.
Вĕсенчен пĕри - Хĕрлĕçырти Раиса Иванова. Вăл ĕмĕрне тăван колхозра ĕçлесе ирттернĕ. Вĕсем мăшăрĕпе, вăрçă ветеранĕпе, Василий Ивановичпа, ултă ача çитĕнтернĕ. Ачисем ятарлă професси илсе тĕрлĕ сферăра тăрăшаççĕ. Раиса Андреевнăн 12 мăнук тата 16 кĕçĕн мăнук.
Вăрçă ветеранĕн тăлăх арăмне Тăрăм ял тăрăхĕн пуçлăхĕ А.Трофимов РФ Президенчĕн саламне вуласа панă, культура ĕçченĕсем юбиляр ячĕпе илемлĕ юрăсем шăрантарнă.