10 марта 2016 г.
Мартăн 14-25-мĕшĕсенче наркотиксене хирĕç пĕтĕм Раççейри «Вилĕмпе ăçта сутă тунине пĕлтер» акцин пĕрремĕш тапхăрĕ иртет.
Çавна май çак массăллă акци умĕн республикăра оперативлă штабăн ларăвĕ пулнă. Ăна Федерацин наркотиксен çаврăнăшне тĕрĕслесе тăракан службăн Чăваш Республикинчи управленийĕн пуçлăхĕн çумĕн тивĕçĕсене пурнăçлакан Н.Ильин ертсе пынă. Ларăва Чăваш Республикин ШĔМĕн, физкультурăпа спорт, культура, вĕренÿпе çамрăксен политикин министерствисен представителĕсем, Чăваш Енĕн Сывлăх сыхлавĕн министерствин штатра тăман тĕп специалисчĕ - психиатр-наркологĕ, наркоконтроль управленийĕн структура подразделенийĕсен ертÿçисем хутшăннă, наркотиксене хирĕçле акцин мероприятисен планне çирĕплетнĕ.
Федерацин наркотиксен çаврăнăшне тĕрĕслесе тăракан службăн Чăваш Республикинчи управленийĕн ертÿлĕхĕ наркопритонсем, наркотиксемпе сутă тăвакан вырăнсем, нарко-преступленисем çинчен 8/8352/ 23-01-00, 8-800-385-67-89 телефонсемпе, info@21.fskn.gov.ru электрон почтипе пĕлтерме май пуррине палăртать.
Иртнĕ çул акци вăхăтĕнче влаç органĕсене 126 пĕлтерÿ килнĕ, 56 уголовнăй ĕç пуçарнă, административлă 49 протокол çырнă.
«Вилĕмпе ăçта сутă тунине пĕлтер» акцин тепĕр тапхăрĕ ноябрь уйăхĕнче иртет.